البلد دى !!!!

موضوع: البلد دى !!!! الأحد فبراير 03, 2008 3:26 pm

فى البلد دي كن حرامي ومرتشي
أهبر واوعاك تختشي
اوعى مرة في يوم تصدق
ان في واحد عصامي
كل شركة وكل مصنع
يرأسها واحد حرامي
وان وقع مرة يحامي ليه
اربعين مليون محامي
*******
المبادئ فى البلد دي
والمثل.. حبر وكلام
شوف معايا بالكتير
ان بعتهم هيجيبوا كام
مش مكانهم ولا زمنهم
دول هناك تحت الركام
عيش حرامي فى البلد دي
وموت حرامي
وبفلوسك راح تنول كل احترامي
[b][b][size=25][b][size=25]*******[/size][/b][/b][/b]
مش مصدق لية كلامي
فى البلد دي بيقطعوا ايد الشريف
فى البلد دي الحر بيموت على الرصيف
فى البلد دي ننحني علشان رغيف
فى البلد دي ماعدش فيه انسان نضيف
غير عيال في امهم متشعبطين
او عامل في الصحرا
وعرقه على الجبين
او هجين فى الساقية
حمال الطحين..
او فلاح في البرد نايم على الطين
هما دول بس في بلدنا الناس الطيبين
[b]*******[/b]

منقول
عجبتني حاجه واقعيه طبعا[/size]